ಪುತ್ತೂರಿನಲ್ಲಿ ದಾಖಲೆಯ ಮಿಲಾದ್ ಸಮಾವೇಶ

ಪುತ್ತೂರು : ಪ್ರವಾದಿ ಮೊಹಮ್ಮದ್ ಪೈಗಂಬರ್ ಅವರ ಜನ್ಮದಿನದ ಅಂಗವಾಗಿ ದಕ್ಷಿಣ ಕನ್ನಡ ಜಿಲ್ಲಾ ಮುಸ್ಲಿಂ ಯುವಜನ ಪರಿಷತ್ತು ಮತ್ತು ಈದ್ ಮಿಲಾದ್ ಸಮಿತಿ ಪುತ್ತೂರು ಇದರ ಜಂಟಿ ಆಶ್ರಯದಲ್ಲಿ 31ನೇ ವರ್ಷದ ಮಿಲಾದ್ ಸಮಾವೇಶ ಮತ್ತು ವಾಹನ ಜಾಥಾ ಸೆಪ್ಟೆಂಬರ್ 28ರಂದು ಸಂಜೆ ಪುತ್ತೂರಿನಲ್ಲಿ ನಡೆಯಿತು. ಸಂಜೆ ಕಬಕ ಪೇಟೆ ಯಿಂದ ಪುತ್ತೂರು ಕಿಲ್ಲೆ ಮೈದಾನ ತನಕ ನಡೆದ ವಾಹನ ಜಾಥಾವನ್ನು, ಕಬಕದಲ್ಲಿ ಟೈಲರ್ ಇಸ್ಮಾಯಿಲ್ ಸಾಹೇಬ್ ಅವರು ಉದ್ಘಾಟಿಸಿದರು. ಈಸ್ಟರ್ನ್ ಗ್ರೂಪ್ ನ ಮಾಲಕ ಖಲಂದರ್ ಧ್ವಜ ಹಸ್ತಾಂತರ ಮಾಡುವ ಮೂಲಕ ಅಬ್ದುಲ್ ಹಮೀದ್ ಬಾಖವಿ ದುವಾ ಆಶೀರ್ವಚನ ನೀಡಿ ವಾಹನ ಜಾಥಾಕ್ಕೆ ಚಾಲನೆ ನೀಡಿದರು. ಕಬಕ ಜಂಕ್ಷನ್ ನಿಂದ ಹೊರಟ ಆಕರ್ಷಕ ವಾಹನ ಜಾಥಾ ಕಬಕ, ಪೋಳ್ಯ, ಮುರ, ನೆಹರು ನಗರ, ಬೋಳ್ವಾರ್, ಪುತ್ತೂರು ಕೆಎಸ್ಆರ್ಟಿಸಿ ನಿಲ್ದಾಣವಾಗಿ ದರ್ಬೆ ಬೈಪಾಸ್ ಮೂಲಕ ಕಿಲ್ಲೆ ಮೈದಾನದಲ್ಲಿ ಬಹಳ ಆಕರ್ಷಕವಾಗಿ ಸಮಾವೇಶಗೊಂಡಿತು. ಈ ಜಾಥಾ ದಲ್ಲಿ ನೂರಾರು ವಾಹನಗಳು, ಸಾವಿರಾರು ಮಂದಿ ಪಾಲ್ಗೊಂಡಿದ್ದರು.