80ರ ವೃದ್ಧನನ್ನು ಪ್ರೀತಿಸಿ ಮದುವೆಯಾದ 23 ವರ್ಷದ ಯುವತಿ
ಚೀನಾ: 23 ವರ್ಷದ ಯುವತಿಯೊಬ್ಬಳು 80 ರ ವೃದ್ಧನನ್ನು ಪ್ರೀತಿಸಿ ಮದುವೆಯಾಗಿರುವ ಘಟನೆ ಚೀನಾದ ಹೆಬೈ ಪ್ರಾಂತ್ಯದಲ್ಲಿ ನಡೆದಿದೆ. 23 ವರ್ಷದ ಯುವತಿಯೊಬ್ಬಳು ವೃದ್ಧಾಶ್ರಮದಲ್ಲಿನ 80 ವರ್ಷದ ವೃದ್ಧನೊಂದಿಗೆ ಪ್ರೀತಿಯಲ್ಲಿ ಬಿದ್ದು ಆತನನ್ನೇ ಮದುವೆಯಾಗಿದ್ದಾಳೆ.
![](https://akkarenews.com/wp-content/uploads/2024/06/WhatsApp-Image-2024-06-11-at-6.12.19-PM-1-1.jpeg)
![](https://akkarenews.com/wp-content/uploads/2024/05/WhatsApp-Image-2024-05-27-at-3.46.50-PM.jpeg)
ಹೆಬೈ ಪ್ರಾಂತ್ಯದ ವೃದ್ಧಾಶ್ರಮವೊಂದರಲ್ಲಿ ಕೆಲಸ ಮಾಡುತ್ತಿದ್ದ ಕ್ಸಿಯಾಫಾಂಗ್ ಎಂಬಾಕೆ ಅಲ್ಲಿ ಲೀ ಎಂಬ 80 ರ ವೃದ್ಧನ ಪರಿಚಯವಾಗುತ್ತದೆ. ಆ ವೃದ್ಧನ ಪ್ರಬುದ್ಧತೆ, ಬುದ್ಧಿವಂತಿಕೆಗೆ ಆಕರ್ಷಿತಳಾದ ಕ್ಸಿಯಾಫಾಂಗ್ ಆತನ ಪ್ರೀತಿಯಲ್ಲಿ ಬೀಳುತ್ತಾಳೆ. ನಂತರ ಇಬ್ಬರೂ ಮದುವೆಯಾಗಲು ನಿರ್ಧರಿಸಿದ್ದು, ಈ ಬಗ್ಗೆ ಕ್ಸಿಯಾಫಾಂಗ್ ತನ್ನ ಕುಟುಂಬದವರ ಬಳಿ ಹೇಳಿದಾಗ ಅವರು ಈಕೆಯ ಈ ನಿರ್ಧಾರಕ್ಕೆ ಒಪ್ಪಲಿಲ್ಲ. ನನಗೆ ಲೀ ಅವರೇ ಬೇಕೆಂದು ಹಠ ಹಿಡಿದ ಕ್ಸಿಯಾಫಾಂಗ್ ತನ್ನ ಕುಟುಂಬದೊಂದಿಗಿನ ಎಲ್ಲಾ ಸಂಬಂಧವನ್ನು ಮುರಿದು ಕೊನೆಗೆ ಲೀ ಅವರನ್ನು ವಿವಾಹವಾಗಿದ್ದಾಳೆ ಎಂದು ವರದಿಯಾಗಿದೆ.
![](https://akkarenews.com/wp-content/uploads/2024/05/IMG-20240517-WA0005.jpg)
ಇಬ್ಬರೂ ಇತ್ತೀಚಿಗೆ ಸರಳವಾಗಿ ವಿವಾಹವಾಗಿದ್ದು, ಇಬ್ಬರ ಕುಟುಂಬದವರೂ ಈ ವಿವಾಹ ಕಾರ್ಯಕ್ರಮದಲ್ಲಿ ಭಾಗಿಯಾಗಿಲ್ಲ ಎಂದು ವರದಿಯಾಗಿದೆ.
ಈ ನವ ದಂಪತಿಗಳ ಪ್ರೇಮ ಕಥೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಹಲವರು ಈ ಯುವತಿ ವೃದ್ಧನನ್ನು ಹಣಕ್ಕಾಗಿ ಮದುವೆಯಾಗಿದ್ದಾಳೆ ಎಂದು ಹೇಳಿದರೇ, ಇನ್ನೂ ಕೆಲವರು ಆಕೆಯ ನಿಷ್ಕಲ್ಮಶ ಪ್ರೀತಿಗೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
![](https://akkarenews.com/wp-content/uploads/2024/05/WhatsApp-Image-2024-05-30-at-4.00.12-PM.jpeg)
![](https://akkarenews.com/wp-content/uploads/2024/05/IMG-20240508-WA0012.jpg)
![](https://akkarenews.com/wp-content/uploads/2024/04/IMG-20240406-WA0000.jpg)
![](https://akkarenews.com/wp-content/uploads/2024/03/IMG-20240331-WA0000.jpg)
![](https://akkarenews.com/wp-content/uploads/2024/05/WhatsApp-Image-2024-05-30-at-3.09.01-PM-1.jpeg)
![](https://akkarenews.com/wp-content/uploads/2024/04/IMG-20240402-WA0033.jpg)