ಮುಂಡೂರು ವಲಯ ಕಾಂಗ್ರೆಸ್ ಕಾರ್ಯಕರ್ತರ ಸಭೆ ತಳಮಟ್ಟದಲ್ಲಿ ಜನರನ್ನು‌ಸಂಪರ್ಕಿಸಿ ಅವರ ಸೇವೆ‌ ಮಾಡುವ ಮೂಲಕ ಪಕ್ಷ ಕಟ್ಟೋಣ: ಅಶೋಕ್ ರೈ

ನಿವೇಶನವಿಲ್ಲದವರು ಈ ಗ್ರಾಮದಲ್ಲಿ ಅರ್ಜಿ ಸಲ್ಲಿಸಿ:
ಪುತ್ತೂರು ವಿಧಾನಸಭಾ ಕ್ಣೇತ್ರದಲ್ಲಿ ನಿವೇಶನ ಇಲ್ಲದೆ , ಸ್ವಂತ ಮನೆ ಇಲ್ಲದೆ ಬಾಡಿಗೆ ಮನೆಯಲ್ಲಿ ವಾಸ ಮಾಡುವ ಯಾವುದೇ ಕುಟುಂಬ ಬಡಗನ್ನೂರು, ಕೊಳ್ತಿಗೆ,ಅರಿಯಡ್ಕ ಬನ್ನೂರು, ಆರ್ಯಾಪು,ಕೆಯ್ಯೂರು,ಬೆಟ್ಟಂಪಾಡಿ ,ಕೆದಂಬಾಡಿ,ನಿಡ್ಪಳ್ಳಿ, ನರಿಮೊಗರು ಗ್ರಾಮಗಳಲ್ಲಿ ಅರ್ಜಿ ಹಾಕಬಹುದು ಎಂದು ಶಾಸಕರು ತಿಳಿಸಿದರು.

ಪಿಡಿಒಗಳು ಅರ್ಜಿ ಸ್ವೀಕರಿಸಬೇಕು
ಈ ಎಲ್ಲಾ ಗ್ರಾಪಂ ಗಳ ಪಿಡಿಒಗಳು ನಿವೇಶನಕ್ಕೆ ಯಾರೇ ಅರ್ಜಿ ಸಲ್ಲಿಸಿದರೂ ಅದನ್ನು ಸ್ವೀಕರಿಸಬೇಕು. ಬೇರೆ ಗ್ರಾಮದವರು ಅರ್ಜಿ ಸಲ್ಲಿಸಿದರೂ ಅದನ್ನು ಸ್ವೀಕರಿಸಲೇಬೇಕು‌,ಸ್ವೀಕರಿಸದೇ ಇದ್ದಲ್ಲಿ ಅರ್ಜಿದಾರರು ನನ್ನ ಗಮನಕ್ಕೆ ತರಬೇಕು ಎಂದು‌ಶಾಸಕರು ಸಭೆಯಲ್ಲಿ ತಿಳಿಸಿದರು.

ನಿವೇಶನ‌ಇಲ್ಲದವರು ಯಾರೂ ಇರಬಾರದು:
ಪುತ್ತೂರು ವಿಧಾನಸಭಾ ಕ್ಷೇತ್ರದಲ್ಲಿ ಎಲ್ಲಾ ಕುಟುಂಬಗಳಿಗೂ ಸ್ವಂತ ನಿವೇಶನ ಬೇಕು ಮತ್ತು ಒಂದು‌ಚಿಕ್ಕ ಮನೆಯಾದರೂ ಇರಬೇಕು ಎಂಬುದು‌ ನನ್ನ ಕನಸು. ಚುನಾವಣೆಯ ಸಮಯದಲ್ಲಿ ನಾನು ಕೊಟ್ಟ ಮಾತನ್ನು ಪಾಲನೆ ಮಾಡಿಯೇ ಸಿದ್ದ ಇದಕ್ಕಾಗಿ ಪ್ರತೀ ಗ್ರಾಮದಲ್ಲಿರುವ ಸರಕಾರಿ ಜಾಗವನ್ನು ಗುರುತಿಸಿ ಅದನ್ನು ಸೈಟ್ ಮಾಡಿ ವಿತರಣೆ ಮಾಡಲಿದ್ದೇನೆ ಎಂದು ಶಾಸಕರು ಸಭೆಯಲ್ಲಿ ತಿಳಿಸಿದರು.