ಬೆಂಗಳೂರಿನಿಂದ ಮಂಗಳೂರಿಗೆ MDMA ಸಾಗಾಟ: ಸಿಸಿಬಿ ಕಾರ್ಯಾಚರಣೆ – ಮೂವರ ಬಂಧನ -90 ಗ್ರಾಂ MDMA ವಶ ಮಂಗಳೂರಿನ ಡ್ರಗ್ ಪೆಡ್ಲರ್ ಗಳಿಗೆ ಮಾದಕ ವಸ್ತು (MDMA) ಯನ್ನು ಸರಬರಾಜು ಮಾಡುತ್ತಿದ್ದ ತಂಡದ ಬಂಧನ

ಬೆಂಗಳೂರಿನಿಂದ ಮಾದಕ ವಸ್ತು (MDMA) ಯನ್ನು ತಂದು ಮಂಗಳೂರಿನ ಡ್ರಗ್ ಪೆಡ್ಲರ್ ಗಳಿಗೆ ಸರಬರಾಜು ಮಾಡುತ್ತಿದ್ದಂತಹ ತಂಡವನ್ನು ಮಂಗಳೂರು ನಗರದ ಸಿಸಿಬಿ ಘಟಕದ ಅಧಿಕಾರಿ ಮತ್ತು ಸಿಬ್ಬಂಧಿಗಳು ದಿನಾಂಕ:13.12.2025 ರಂದು ಕಾರಿನಲ್ಲಿ ಬರುತ್ತಿದ್ದ ಅಹಮ್ಮದ್ ಶಾಬೀತ್, ಮತ್ತು ಆತನ ತಂಡವನ್ನು ಅರ್ಕುಳ ಬಳಿ ವಶಕ್ಕೆ ಪಡೆದು ದಸ್ತಗಿರಿ ಮಾಡಲಾಗಿರುತ್ತದೆ.

ದಸ್ತಗಿರಿಯಾದ ಆರೋಪಿಗಳು
1. ಅಹಮ್ಮದ್ ಶಾಬೀತ್ ಪ್ರಾಯ: 35 ವರ್ಷ, ತಂದೆ: ಎಸ್. ಅಬ್ದುಲ್ ರಜಾಕ್, ವಾಸ: # 1-196 A, ಬದ್ರಿಯಾ ನಗರ ಹೌಸ್, ಮಲ್ಲೂರು ಪೋಸ್ಟ್ ಮತ್ತು ಗ್ರಾಮ, ಮಂಗಳೂರು. ಹಾಲಿ ವಾಸ: ಪಿಕ್ ಅಪ್ ಜಬ್ಬಾರ್ ರವರ ಬಾಡಿಗೆ, ಶಾಂತಿ ಅಂಗಡಿ, ಜೋಡು ಮಾರ್ಗ ಪೋಸ್ಟ್, ಕೈಕಂಬ, ಬಿ.ಸಿ.ರೋಡ್, ಮಂಗಳೂರು
2. ಮಹಮ್ಮದ್ ಶಂಶೀರ್ ಪ್ರಾಯ: 36 ತಂದೆ: ಎಸ್ ಅಹಮ್ಮದ್ ವಾಸ: ನಂಬರ್: 14-48, ಮದ್ದ ಪರ್ಲಿಯಾ ಹೌಸ್ ಬಿ ಮೂಡ ಗ್ರಾಮ, ಜೋಡುಮಾರ್ಗ ಪೋಸ್ಟ್, ಬಂಟ್ವಾಳ ತಾಲೂಕು
3. ಶ್ರೀಮತಿ ನೌಶೀನ, ಪ್ರಾಯ: 27 ವರ್ಷ, ತಂದೆ: ಉಮರಬ್ಬ, ವಾಸ: ಮಠದಬೆಟ್ಟು ಹೌಸ್, ಸರಪಾಡಿ ಪೋಸ್ಟ್ ಮತ್ತು ಗ್ರಾಮ, ಬಂಟ್ವಾಳ ತಾಲೂಕು, ದ.ಕ.ಜಿಲ್ಲೆ

ಆರೋಪಿಗಳಿಂದ ವಶಪಡಿಸಿಕೊಂಡು ಸ್ವತ್ತುಗಳು
1. MDMA ಮಾದಕ ವಸ್ತು 90 ಗ್ರಾಂ ಮೌಲ್ಯ
2. ಬಿಳಿ ಬಣ್ಣದ KL-58-W-6342 ಮಾರುತಿ ಸ್ವಿಪ್ಟ್ ಕಾರು ಮತ್ತು ಮೊಬೈಲ್ ಪೋನ್ ಗಳು

ಅಹಮ್ಮದ್ ಶಾಬೀತ್ ಎಂಬುವನು ಮಂಗಳೂರಿನ ಡ್ರಗ್ ಪೆಡ್ಲರ್ ಗಳಿಗೆ ನಿರಂತರವಾಗಿ ಬೆಂಗಳೂರಿನಿಂದ ಮಾದಕ ವಸ್ತುವಾದ MDMA ಯನ್ನು ತಂದು ಸರಬರಾಜು ಮಾಡುತ್ತಿದ್ದು, ಅಲ್ಲದೇ ಈ ತಂಡದಲ್ಲಿ ಯಾರಿಗೂ ಅನುಮಾನ ಬಾರದಂತೆ ಮಹಿಳೆಯಾದ ಶ್ರೀಮತಿ ನೌಶಿನ ಎಂಬವರನ್ನು ಜೊತೆಗೆ ಇರಿಸಿಕೊಂಡು ಮಾದಕ ವಸ್ತುವಾದ MDMA ಯನ್ನು ಸಾಗಾಟ ಮಾಡುತ್ತಿರುವುದ್ದನ್ನು, ಮಂಗಳೂರು ನಗರದ ಸಿಸಿಬಿ ಘಟಕದ ವಿಭಾಗದ ಅಧಿಕಾರಿ ಮತ್ತು ಸಿಬ್ಬಂದಿಗಳು ಖಚಿತ ಮಾಹಿತಿಯನ್ನು ಕಲೆ ಹಾಕಿ, ಈ ತಂಡವನ್ನು ಈ ದಿನ ದಸ್ತಗಿರಿ ಮಾಡಿರುತ್ತಾರೆ. ಕಂಕನಾಡಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿತರನ್ನು ಮಾನ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು ಆರೋಪಿತರಿಗೆ ನ್ಯಾಯಾಂಗ ಬಂಧನವಾಗಿರುತ್ತದೆ.
ತನಿಖೆ ಮುಂದುವರೆದಿದೆ.