ಬೆಳ್ತಂಗಡಿ : ಆನೆ ಹಾವಳಿ ದೇವರ ಮೊರೆ ಹೋದ ಅರಣ್ಯ ಇಲಾಖೆ ಸೌತಡ್ಕ ಮಹಾ ಗಣಪತಿ ದೇವರಿಗೆ ರಂಗಪೂಜೆ ವಿಶೇಷ ಪ್ರಾರ್ಥನೆ

ಕೊಕ್ಕಡ, ಸೆ. 2: ಆನೆಗಳಿಂದ ಸಾರ್ವಜನಿಕ ಜೀವ, ಕೃಷಿ ಹಾಗೂ ಆಸ್ತಿಪಾಸ್ತಿಗಳಿಗೆ ಹಾನಿಯಾಗದಂತೆ ಹಾಗೂ ಆನೆ ಹಾವಳಿ ನಿಯಂತ್ರಣಕ್ಕೆ ಬರಲಿ ಎಂದು ಪ್ರಾರ್ಥಿಸಿ ಅರಣ್ಯ ಇಲಾಖೆಯ ವತಿಯಿಂದ ಕೊಕ್ಕಡ ಸೌತಡ್ಕ ಶ್ರೀ ಮಹಾಗಣಪತಿ ದೇವರಿಗೆ ರಂಗಪೂಜೆ ಸಲ್ಲಿಸಲಾಯಿತು. ಸಾರ್ವಜನಿಕರು ಹಾಗೂ ಕೃಷಿಕರಿಗೆ ಆನೆಗಳಿಂದ ಯಾವುದೇ ರೀತಿಯ ಜೀವಹಾನಿ, ಬೆಳೆ ಹಾಗೂ ಸೊತ್ತು ಹಾನಿ ಸಂಭವಿಸದಂತೆ ಪ್ರಾರ್ಥಿಸಿ ಅರಣ್ಯ ಇಲಾಖೆಯ ಸಿಬ್ಬಂದಿ ವತಿಯಿಂದ ರಂಗಪೂಜೆ ನೆರವೇರಿಸಲಾಯಿತು.