ಹಾರಾಡಿ ಶಾಲೆಯ ಎಸ್ ಡಿ ಎಂ ಸಿ ರಚನೆ ಅಧ್ಯಕ್ಷರಾಗಿ ಹರೀಶ ಶಾಂತಿ ಪುತ್ತೂರು ಹಾಗೂ ಉಪಾಧ್ಯಕ್ಷರಾಗಿ ಜ್ಯೋತಿ ದೇಂತಡ್ಕ ಬನ್ನೂರು ಆಯ್ಕೆ

ಸ ಮಾ ಉ ಹಿ ಪ್ರಾ ಶಾಲೆ ಹಾರಾಡಿ ಇದರ 2026 2029ನೇ ಸಾಲಿನ ಎಸ್ ಡಿ ಎಂಸಿ ರಚನೆಯನ್ನು ಮಾಜಿ ಎಸ್ ಡಿ ಎಂ ಸಿ ಅಧ್ಯಕ್ಷರಾದ ಹರಿಪ್ರಸಾದ್ ಇವರ ಅಧ್ಯಕ್ಷತೆಯಲ್ಲಿ ನಡೆಸಲಾಯಿತು. ಅಧ್ಯಕ್ಷರಾಗಿ ಹರೀಶ್ ಶಾಂತಿ ಪುತ್ತೂರು ಹಾಗೂ ಉಪಾಧ್ಯಕ್ಷರಾಗಿ ಶ್ರೀಮತಿ ಜ್ಯೋತಿ ದೇಂತಡ್ಕ ಬನ್ನೂರು ಇವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಯಿತು. ಪೋಷಕರ ಸಹಭಾಗಿತ್ವದೊಂದಿಗೆ ಹೊಸ ಸದಸ್ಯರ ಆಯ್ಕೆ ಪ್ರಕ್ರಿಯೆ ನಡೆಸಲಾಯಿತು. ತದನಂತರ ಆಯ್ಕೆಯಾದ 18 ಸದಸ್ಯರು ಸರ್ವಾನುಮತದಿಂದ ಹರೀಶ ಶಾಂತಿ ಪುತ್ತೂರು ಇವರನ್ನು ಅಧ್ಯಕ್ಷರಾಗಿ ಜ್ಯೋತಿ ದೇಂತಡ್ಕ ಇವರನ್ನ ಉಪಾಧ್ಯಕ್ಷರಾಗಿ ಆಯ್ಕೆ ಮಾಡಲಾಯಿತು. ಇದರ ಆಯ್ಕೆ ಪ್ರಕ್ರಿಯೆಯನ್ನು ಮುಖ್ಯ ಶಿಕ್ಷಕರಾದ ಕೆಕೆ ಮಾಸ್ಟರ್ ಅವರು ನಡೆಸಿಕೊಟ್ಟರು.

ಕಾರ್ಯಕ್ರಮದಲ್ಲಿ ನಿರ್ಗಮಿತ ಎಸ್ ಡಿ ಎಂ ಸಿ ಯ ಅಧ್ಯಕ್ಷರು ಉಪಾಧ್ಯಕ್ಷರು ಹಾಗೂ ಸರ್ವ ಸದಸ್ಯರನ್ನು ಗೌರವಿಸಲಾಯಿತು. ಹಿರಿಯ ಶಿಕ್ಷಕಿ ಶ್ರೀಮತಿ ಚಿತ್ರ ರೈ ಅವರು ಸ್ವಾಗತಿಸಿ ಜಿಪಿಟಿ ಶಿಕ್ಷಕ ಜನಾರ್ಧನ ದುರ್ಗ ಇವರು ಧನ್ಯವಾದ ಗೈದರು. ಜಿಪಿಟಿ ಶಿಕ್ಷಕ ಅಬ್ದುಲ್ ಲತೀಫ್ ಸಿ ಇವರು ನಿರೂಪಿಸಿದರು. ಶಿಕ್ಷಕಿಯರಾದ ವನಿತಾ ಹಾಗೂ ಧನ್ಯ ಇವರು ವಿವಿಧ ಜವಾಬ್ದಾರಿಗಳನ್ನು ನಿರ್ವಹಿಸಿದರು.