ಸೌದಿ ಅರೇಬಿಯಾ: ಕೋಣೆಯಲ್ಲಿ ಹೀಟರ್ ಚಲಾಯಿಸಿ ಮಲಗಿದ್ದ ಕುಟುಂಬ; ಅಗ್ನಿ ದುರಂತದಲ್ಲಿ ಒಂದೇ ಕುಟುಂಬದ ನಾಲ್ವರು ಮಕ್ಕಳು ಸಾವು

ಜೆದ್ದಾ: ತೀವೃ ಚಳಿಯಿಂದ ಮಲಗುವ ಕೋಣೆಯನ್ನು ಬಿಸಿಯಾಗಿಸಲು ಹೀಟರ್ ಅನ್ನು ಚಲಾಯಿಸಿ ಮಲಗಿದ್ದ ಪರಿಣಾಮ ಒಂದೇ ಕುಟುಂಬದ ನಾಲ್ವರು ಮಕ್ಕಳು ಸಾವನ್ನಪ್ಪಿದ ಘಟನೆ ಸೌದಿ ಅರೇಬಿಯಾದ ಪೂರ್ವ ಪ್ರಾಂತ್ಯದ ಹಫರ್ ಅಲ್-ಬಾತಿನ್ ನಲ್ಲಿ ನಡೆದಿದೆ. ಯೆಮೆನ್ ನ ಒಂದೇ ಕುಟುಂಬದ ನಾಲ್ವರು ಮಕ್ಕಳು ಹೀಟರ್ ನಿಂದ ಬೆಂಕಿ ಕಾಣಿಸಿಕೊಂಡು ಸಾವನ್ನಪ್ಪಿದ್ದಾರೆ.

ಮೃತರನ್ನು ಕುಟುಂಬದ ಹಿರಿಯ ಸದಸ್ಯ ಮುಹ್ಸಿನ್ ಅಲ್-ಹಾದಿ ಅವರ ಮಗಳು, ಅಳಿಯ ಮತ್ತು ಮೊಮ್ಮಕ್ಕಳು ಎಂದು ಗುರುತಿಸಲಾಗಿದೆ. ಆರು ಜನರನ್ನು ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ. ಸೋಮವಾರ ಮುಂಜಾನೆ 4:30 ಕ್ಕೆ ನಾಗರಿಕ ರಕ್ಷಣಾ ಸಿಬ್ಬಂದಿಗೆ ಬೆಂಕಿಯ ಬಗ್ಗೆ ಮಾಹಿತಿ ಸಿಕ್ಕಿತು. ರಕ್ಷಣಾ ಕಾರ್ಯಕರ್ತರು ಕೂಡಲೇ ಸ್ಥಳಕ್ಕೆ ಧಾವಿಸಿದರು, ಆದರೆ ಅಷ್ಟೊತ್ತಿಗಾಗಲೇ ನಾಲ್ಕು ಜನರು ಸಾವನ್ನಪ್ಪಿದ್ದರು.

ಹಫರ್ ಅಲ್-ಬಾಟಿನ್ ಸೇರಿದಂತೆ ಸೌದಿ ಅರೇಬಿಯಾದ ಹಲವಾರು ಭಾಗಗಳು ತೀವ್ರ ಶೀತ ಪರಿಸ್ಥಿತಿಗಳನ್ನು ಅನುಭವಿಸುತ್ತಿವೆ. ಶೀತದಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಹೀಟರ್ ಗಳನ್ನು ಬಳಸುವಾಗ ಸುರಕ್ಷತಾ ಕಾರ್ಯವಿಧಾನಗಳನ್ನು ಅನುಸರಿಸಬೇಕು ಎಂದು ಸೌದಿ ನಾಗರಿಕ ರಕ್ಷಣಾ ಎಚ್ಚರಿಸಿದೆ.