ಉದ್ಯಮಿ ದಿವಾಕರ ದಾಸ್ ನೇರ್ಲಾಜೆರವರ ಮಾಲಕತ್ವದ ಎಸ್.ಎಲ್.ವಿ. ಬುಕ್ ಹೌಸ್ ನ ಕುಶಾಲನಗರ ಔಟ್ ಲೇಟ್ ಉದ್ಘಾಟನೆ

ಕುಶಾಲನಗರ : ಕುಶಾಲನಗರ ಬಿ.ಎಂ. ರಸ್ತೆಯ ಸರಕಾರಿ ಮಾದರಿ ಶಾಲಾ ಮುಂಭಾಗದ ಕೆನರಾ ಬ್ಯಾಂಕ್ ಕಾಂಪ್ಲೆಕ್ಸ್ ನಲ್ಲಿ ಬಂಟ್ವಾಳ ತಾಲೂಕಿನ ಇಡ್ಕಿದು ಗ್ರಾಮದ ನೇರ್ಲಾಜೆ ನಿವಾಸಿ ದಿವಾಕರ ದಾಸ್ ನೇರ್ಲಾಜೆರವರ ಮಾಲಕತ್ವದ ಕರ್ನಾಟಕದ ಅತೀ ದೊಡ್ಡ ಪುಸ್ತಕ ಮಾರಾಟ ಮಳಿಗೆ ಎಸ್.ಎಲ್.ವಿ. ಬುಕ್ ಹೌಸ್ ನ ಶಾಖೆ ಏ.8ರಂದು ಉದ್ಘಾಟನೆ ಗೊಂಡಿತು.

ಸಂಸ್ಥೆಯನ್ನು ಶ್ರೀ ಕ್ಷೇತ್ರ ಕಟೀಲಿನ ಪ್ರಧಾನ ಅರ್ಚಕರಾದ ಶ್ರೀ ವೆಂಕಟರಮಣ ಅಸ್ರಣ್ಣರವರು ದೀಪ ಬೆಳಗಿಸಿ ಉದ್ಘಾಟಿಸಿದರು. ಬಳಿಕ ಮಾತನಾಡಿದ ಅವರು ಬಹಳಷ್ಟು ಸಂತಸವಾಗುತ್ತಿದೆ. ಅತೀ ಕಡಿಮೆ ಅವಧಿಯಲ್ಲಿ ಬಹಳಷ್ಟು ದೊಡ್ಡಮಟ್ಟದಲ್ಲಿ ಬೆಳೆದು ನಿಂತ ಸಂಸ್ಥೆ ಇದಾಗಿದೆ.ನಮ್ಮ ಬೆಳವಣಿಗೆಯಲ್ಲಿ ಹಿರಿಯರ ಸ್ಮರಣೆ ಅಗತ್ಯ ಎಲ್ಲರನ್ನೂ ಪ್ರೀತಿಯಿಂದ ಕಾಣುಔರು ದಿವಾಕರ ದಾಸ್. ವಿವಿದೋದ್ದೇಶ ಹೊಂದಿರುವ ವ್ಯಕ್ತಿ ಅವರು. ಒಂದಷ್ಟು ಮಂದಿಗೆ ಉದ್ಯೋಗ ಕಲ್ಪಿಸುವ ಕೆಲಸ ಅವರಿಂದ ಆಗುತ್ತಿದೆ. ಧಾನ ಧರ್ಮದ ಗುಣ ಯಶಸ್ಸಿನ ರಹದಾರಿ. ಇತರರಿಗೆ ಉದ್ಯೋಗ ಸೃಷ್ಟಿಯಾಗಲೆಂದು ಮಾಡಿರುವ ಸಂಸ್ಥೆಗೆ ಯಶಸ್ಸು ಹೆಚ್ಚು. ವಿದ್ಯಾರ್ಥಿಗಳಿಗೆ ಬೇಕಾದ ಎಲ್ಲಾ ವಸ್ತುಗಳು ಒಂದೇ ಸೂರಿನಡಿ ಲಭ್ಯವಾಗುವ ಒಳ್ಳೆಯ ಸಂಸ್ಥೆ ಇದಾಗಿದೆ. ಕನಿಷ್ಠ ಲಾಭ ಗರಿಷ್ಠ ಸೇವೆ ಎಂಬ ಧೈಯದೊಂದಿಗೆ ಸಂಸ್ಥೆಯ ಮಾಲಕರು ಕಾರ್ಯನಿರ್ವಹಿಸುತ್ತಿದ್ದಾರೆ. ಇದರಿಂದ ಅವರ ಉದ್ಯಮ ಸದಾ ಯಶಸ್ಸಿನ ಹಾದಿಯಲ್ಲಿ ಸಾಗುತ್ತಿದೆ. ಅವರ ಕಾಯಕಕ್ಕೆ ನಿತ್ಯ ನಿರಂತರವಾಗಿ ಯಶಸ್ಸಾಗಲಿ ಎಂದರು.ಮಡಿಕೇರಿ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಡಾ. ಮಂತರ್ ಗೌಡರವರು ಮಾತನಾಡಿ ಬೆಳೆಯುತ್ತಿರುವ ಕುಶಾಲನಗರಕ್ಕೆ ಎಸ್ ಎಲ್. ವಿ. ಯಂತಹ ಸಂಸ್ಥೆ ಅತೀ ಅವಶ್ಯಕ. ಈ ಸಂಸ್ಥೆಯ ಆರಂಭವಾದ್ದರಿಂದ ಈ ಭಾಗದ ಮಕ್ಕಳಿಗೆ ಬಹಳಷ್ಟು ಸಹಕಾರಿಯಾಗಲಿದೆ.ವಿದ್ಯಾಭ್ಯಾಸಕ್ಕೆ ಸಹಕಾರ ನೀಡುವುದು ಸಂಸ್ಥೆಯ ಬೆಳವಣಿಗೆಗೆ ಪೂರಕ. ನೂತನ ಮಳಿಗೆಯಲ್ಲಿ ಶಿಕ್ಷಣಕ್ಕೆ ಪೂರಕವಾದ ಸಮಗ್ರ ಸಾಮಗ್ರಿಗಳ ಭರಪೂರ ಸಂಗ್ರಹವಿದೆ. ಇದರಿಂದ ನೆರೆಯ ಮೈಸೂರು ಮತ್ತಿತರ ಕಡೆಗಳಿಗೆ ತೆರಳುವ ಅನಿವಾರ್ಯತೆ ದೂರವಾಗಿದೆ.