ಕರ್ನಾಟಕದಲ್ಲಿ ಇವಿ ಪ್ರಿಯರಿಗೆ ಬಿಗ್ ಶಾಕ್! ಎಲೆಕ್ಟ್ರಿಕ್ ವಾಹನಗಳ ಮೇಲೆ ಹೊಸ ತೆರಿಗೆ ಜಾರಿ; ನಿಮ್ಮ ನೆಚ್ಚಿನ ಕಾರು ಇನ್ಮುಂದೆ ಮತ್ತಷ್ಟು ದುಬಾರಿ.

ಕರ್ನಾಟಕ ಸರ್ಕಾರವು ಎಲೆಕ್ಟ್ರಿಕ್ ವಾಹನ (EV) ಖರೀದಿದಾರರಿಗೆ ಶಾಕಿಂಗ್ ಸುದ್ದಿಯೊಂದನ್ನು ನೀಡಿದೆ. ಇತ್ತೀಚೆಗೆ ಮಂಡಿಸಲಾದ ‘ಕರ್ನಾಟಕ ಮೋಟಾರು ವಾಹನಗಳ ತೆರಿಗೆ (ತಿದ್ದುಪಡಿ) ವಿಧೇಯಕ, 2026’ ರ ಅಡಿಯಲ್ಲಿ, ಇನ್ಮುಂದೆ ಎಲೆಕ್ಟ್ರಿಕ್ ವಾಹನಗಳ ಮೇಲೆ ಹೊಸ ತೆರಿಗೆಯನ್ನು ವಿಧಿಸಲಾಗುತ್ತಿದೆ. ಈ ಹಿಂದೆ ಇವಿ ವಾಹನಗಳಿಗೆ ನೀಡಲಾಗುತ್ತಿದ್ದ ತೆರಿಗೆ ವಿನಾಯಿತಿಯಲ್ಲಿ ಈಗ ಬದಲಾವಣೆ ತರಲಾಗಿದ್ದು, ವಾಹನದ ಬೆಲೆಗೆ ಅನುಗುಣವಾಗಿ 5% ರಿಂದ 10% ವರೆಗೆ ತೆರಿಗೆ ಅನ್ವಯವಾಗಲಿದೆ.

ಬಜೆಟ್ ಬೆಲೆಯ (10 ಲಕ್ಷದವರೆಗೆ) ಇವಿಗಳ ಮೇಲೆ 5%, ಮಧ್ಯಮ ವರ್ಗದ (10-25 ಲಕ್ಷ) ಇವಿಗಳ ಮೇಲೆ 8% ಮತ್ತು ಐಷಾರಾಮಿ (25 ಲಕ್ಷಕ್ಕೂ ಹೆಚ್ಚು) ಇವಿ ವಾಹನಗಳ ಮೇಲೆ 10% ತೆರಿಗೆ ಬೀಳಲಿದೆ. ಮಾಲಿನ್ಯ ಮುಕ್ತ ಸಾರಿಗೆಯನ್ನು ಉತ್ತೇಜಿಸುವ ಈ ಹಂತದಲ್ಲಿ ಸರ್ಕಾರದ ಈ ನಿರ್ಧಾರವು ಇವಿ ಮಾರುಕಟ್ಟೆಯ ಮೇಲೆ ಎಂತಹ ಪರಿಣಾಮ ಬೀರಲಿದೆ? ಹೊಸ ಕಾರು ಖರೀದಿಸುವ ನಿಮ್ಮ ಪ್ಲ್ಯಾನ್ ಬದಲಾಗಲಿದೆಯೇ?