ಇಲಾಖಾ ಮಾಹಿತಿ
ಹೋಟೆಲ್, ಆಹಾರ ಉದ್ದಿಮೆಗಳಿಗೆ ರಾಜ್ಯ ಸರ್ಕಾರದ ಖಡಕ್ ಸೂಚನೆ: ಈ ನಿಯಮ ಪಾಲನೆ ಕಡ್ಡಾಯ
ಬೆಂಗಳೂರು: ರಾಜ್ಯಾದ್ಯಂತ ಆಹಾರ ಸುರಕ್ಷತೆ ಕುರಿತು ನಡೆಸಲಾದ ವಿಶೇಷ ತಪಾಸಣಾ ಅಭಿಯಾನದ ವೇಳೆ ಹಲವು ಹೋಟೆಲ್ಗಳು ಹಾಗೂ ಆಹಾರ ಉದ್ದಿಮೆಗಳಲ್ಲಿ (FBOs) ಸ್ವಚ್ಛತೆ, ಆಹಾರ ಸುರಕ್ಷತೆ ಮತ್ತು ನೈರ್ಮಲ್ಯಕ್ಕೆ ಸಂಬಂಧಿಸಿದ ಹಲವು ಲೋಪಗಳು ಪತ್ತೆಯಾಗಿವೆ. 
ಎಲ್ಲಾ ಆಹಾರ ಉದ್ದಿಮೆದಾರರು ಅನ್ವಯವಾಗುವಂತೆ ಮಾನ್ಯವಾದ FSSAI ಪರವಾನಗಿ ಅಥವಾ ನೋಂದಣಿಯನ್ನು ಹೊಂದಿರಬೇಕು ಹಾಗೂ ಪರವಾನಗಿ/ನೋಂದಣಿಗೆ ಸಂಬಂಧಿಸಿದ ಎಲ್ಲಾ ಷರತ್ತುಗಳು ಮತ್ತು ಅನ್ವಯವಾಗುವ ಆಹಾರ ಸುರಕ್ಷತಾ ನಿಯಮಾವಳಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. 
ಸುರಕ್ಷಿತ, ಗುಣಮಟ್ಟದ ಹಾಗೂ ಮಾನವ ಸೇವನೆಗೆ ಯೋಗ್ಯವಾದ ಆಹಾರ ಪದಾರ್ಥಗಳನ್ನು ಮಾತ್ರ ತಯಾರಿಸಿ, ಸಂಗ್ರಹಿಸಿ ಮತ್ತು ಮಾರಾಟ ಮಾಡಬೇಕು. ಅವಧಿ ಮೀರಿದ, ಹಾಳಾದ, ಕೊಳೆತ, ಕಲುಷಿತ ಅಥವಾ ಅನುಮಾನಾಸ್ಪದ ಗುಣಮಟ್ಟದ ಯಾವುದೇ ಆಹಾರ ಪದಾರ್ಥವನ್ನು ಆಹಾರ ತಯಾರಿಕೆ ಅಥವಾ ಮಾರಾಟದಲ್ಲಿ ಬಳಸಬಾರದು. 
ಕಚ್ಚಾ ವಸ್ತುಗಳನ್ನು ವಿಶ್ವಾಸಾರ್ಹ ಮೂಲಗಳಿಂದ ಖರೀದಿಸಿ, ಸೂಕ್ತ ತಾಪಮಾನದಲ್ಲಿ ಸ್ವಚ್ಛ ಹಾಗೂ ಆಹಾರ-ಸುರಕ್ಷಿತ ಪಾತ್ರೆಗಳು/ಕಂಟೈನರ್ಗಳಲ್ಲಿ ಸಂಗ್ರಹಿಸಬೇಕು. ಖರೀದಿಸುವ ಸಂದರ್ಭದಲ್ಲಿ ಉತ್ಪನ್ನದ ಗುಣಮಟ್ಟ, ಬ್ಯಾಚ್ ಸಂಖ್ಯೆ, ತಯಾರಿಕಾ ದಿನಾಂಕ, ಅವಧಿ ಮುಕ್ತಾಯ ದಿನಾಂಕ ಹಾಗೂ ಇತರೆ ಅನ್ವಯವಾಗುವ ವಿವರಗಳನ್ನು ಪರಿಶೀಲಿಸಬೇಕು.
4. ಅವಧಿ ಮೀರಿದ ಆಹಾರ ಪದಾರ್ಥಗಳ ವಿಲೇವಾರಿ
ಅವಧಿ ಮೀರಿದ ಅಥವಾ ಬಳಕೆಗೆ ಯೋಗ್ಯವಲ್ಲದ ಆಹಾರ ಪದಾರ್ಥಗಳನ್ನು ತಕ್ಷಣ ಪ್ರತ್ಯೇಕಿಸಿ, ಅವುಗಳನ್ನು ಆಹಾರ ತಯಾರಿಕೆ ಅಥವಾ ಮಾರಾಟದಲ್ಲಿ ಬಳಕೆಯಾಗದಂತೆ ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡಬೇಕು. 
5. ಅಡುಗೆಮನೆ ಮತ್ತು ಉದ್ದಿಮೆ ಆವರಣದ ಸ್ವಚ್ಛತೆ
ಅಡುಗೆಮನೆ, ಆಹಾರ ತಯಾರಿಕಾ ಸ್ಥಳ, ಸಂಗ್ರಹಣಾ ಪ್ರದೇಶ, ನೆಲ, ಗೋಡೆ, ಕಿಟಕಿ, ಮೇಲ್ಮಾವಣಿ ಹಾಗೂ ಇತರೆ ಮೂಲಸೌಕರ್ಯಗಳನ್ನು ಸದಾ ಸ್ವಚ್ಛ, ಶುಷ್ಕ ಹಾಗೂ ಉತ್ತಮ ಸ್ಥಿತಿಯಲ್ಲಿ ನಿರ್ವಹಿಸಬೇಕು. ಹಾನಿಗೊಳಗಾದ ಟೈಲ್ಸ್, ಗೋಡೆ, ಕಿಟಕಿ, ಮೇಲಾವಣಿ ಹಾಗೂ ಇತರೆ ಮೂಲಸೌಕರ್ಯಗಳನ್ನು ತಕ್ಷಣ ದುರಸ್ತಿ ಮಾಡಬೇಕು.
6. ಆಹಾರ ಸಂಪರ್ಕ ಮೇಲ್ಕೆಗಳು ಮತ್ತು ಉಪಕರಣಗಳು
ಆಹಾರದೊಂದಿಗೆ ನೇರವಾಗಿ ಸಂಪರ್ಕಕ್ಕೆ ಬರುವ ಪಾತ್ರೆಗಳು, ಕತ್ತರಿಸುವ ಬೋರ್ಡ್ಗಳು, ಚಾಕುಗಳು, ಕೌಂಟರ್ಗಗಳು ಹಾಗೂ ಇತರೆ ಉಪಕರಣಗಳನ್ನು ಸೂಕ್ತ ರೀತಿಯಲ್ಲಿ ಸ್ವಚ್ಛಗೊಳಿಸಿ, ಅಗತ್ಯವಿದ್ದಲ್ಲಿ ಸ್ಯಾನಿಟೈಸ್ ಮಾಡಿ ಬಳಸಬೇಕು. ಆಹಾರ ಕಲುಷಿತಗೊಳ್ಳುವ ಅಥವಾ ಆಹಾರ ಸುರಕ್ಷತೆಗೆ ಅಪಾಯ ಉಂಟುಮಾಡುವ ವಸ್ತುಗಳು ಅಥವಾ ಉಪಕರಣಗಳನ್ನು ಬಳಸಬಾರದು. 
ಆಹಾರ ತಯಾರಿಕಾ, ಸಂಗ್ರಹಣಾ ಹಾಗೂ ಮಾರಾಟ ಪ್ರದೇಶಗಳಲ್ಲಿ ಕೀಟಗಳು, ಇಲಿ, ಜಿರಳೆ ಹಾಗೂ ಇತರೆ ಹಾನಿಕಾರಕ ಜೀವಿಗಳ ಪ್ರವೇಶವನ್ನು ತಡೆಯಲು ಪರಿಣಾಮಕಾರಿ Pest Control ಕ್ರಮಗಳನ್ನು ಕೈಗೊಳ್ಳಬೇಕು. ಅಗತ್ಯವಿದ್ದಲ್ಲಿ ಅಧಿಕೃತ/ಅನುಮೋದಿತ ಸೇವಾ ಸಂಸ್ಥೆಗಳ ಮೂಲಕ ನಿಯಮಿತ ಕೀಟ ನಿಯಂತ್ರಣ ಕ್ರಮಗಳನ್ನು ಕೈಗೊಳ್ಳಬೇಕು.
8. ತಾಪಮಾನ ನಿಯಂತ್ರಣ
ಹಾಲು, ಮಾಂಸ, ಮೊಟ್ಟೆ, ಸಿದ್ದ ಆಹಾರ ಹಾಗೂ ಇತರೆ ಶೀಘ್ರು ಹಾಳಾಗುವ ಆಹಾರ ಪದಾರ್ಥಗಳನ್ನು ಅನ್ವಯವಾಗುವ ಆಹಾರ ಸುರಕ್ಷತಾ ಮಾನದಂಡಗಳನ್ವಯ ನಿಗದಿತ ತಾಪಮಾನದಲ್ಲಿ ಸಂಗ್ರಹಿಸಬೇಕು. ರೆಫ್ರಿಜರೇಟರ್, ಡೀಪ್ ಫ್ರೀಜರ್, ಕೂಲರ್ ಹಾಗೂ ಇತರೆ ತಾಪಮಾನ ನಿಯಂತ್ರಣ ಸಾಧನಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿರುವುದನ್ನು ಖಚಿತಪಡಿಸಿಕೊಳ್ಳಬೇಕು.
9. ವೈಯಕ್ತಿಕ ನೈರ್ಮಲ್ಯ
ಆಹಾರ ನಿರ್ವಹಿಸುವ ಸಿಬ್ಬಂದಿಯು ಸ್ವಚ್ಚವಾದ ಉಡುಪು, ಹೆಡ್ ಕ್ಯಾಪ್/ಹೆಡ್ ಕವರ್, ಏಪನ್ ಹಾಗೂ ಅಗತ್ಯವಿರುವ ವೈಯಕ್ತಿಕ ರಕ್ಷಣಾ ಸಾಧನಗಳನ್ನು ಬಳಸಬೇಕು. ಸಿಬ್ಬಂದಿಯು ಆಹಾರ ನಿರ್ವಹಿಸುವ ಮೊದಲು ಹಾಗೂ ಅಗತ್ಯವಿರುವ ಸಂದರ್ಭಗಳಲ್ಲಿ ಕೈಗಳನ್ನು ಸರಿಯಾದ ವಿಧಾನದಲ್ಲಿ ಸ್ವಚ್ಛವಾಗಿ ತೊಳೆಯುವುದನ್ನು ಖಚಿತಪಡಿಸಿಕೊಳ್ಳಬೇಕು.
10. ಸುರಕ್ಷಿತ ನೀರು ಮತ್ತು ಐಸ್ ಆಹಾರ ತಯಾರಿಕೆ,
ಆಹಾರ ಸಂಸ್ಕರಣೆ ಹಾಗೂ ಕುಡಿಯಲು ಬಳಸುವ ನೀರು ಸುರಕ್ಷಿತವಾಗಿದ್ದು, ಅನ್ವಯವಾಗುವ ನಿಗದಿತ ಗುಣಮಟ್ಟದ ಮಾನದಂಡಗಳಿಗೆ ಅನುಗುಣವಾಗಿರಬೇಕು. ಆಹಾರ ತಯಾರಿಕೆ ಅಥವಾ ಪಾನೀಯಗಳಲ್ಲಿ ಬಳಸುವ ಐಸ್ ಕೂಡ ಸುರಕ್ಷಿತ ಹಾಗೂ ಗುಣಮಟ್ಟದ ನೀರಿನಿಂದ ತಯಾರಿಸಲ್ಪಟ್ಟಿರಬೇಕು.
11. ಲೇಬಲಿಂಗ್ ಮತ್ತು ಆಹಾರ ಪ್ರದರ್ಶನ
ಪ್ಯಾಕೇಜ್ ಮಾಡಿದ ಆಹಾರ ಪದಾರ್ಥಗಳಲ್ಲಿ ಅನ್ವಯವಾಗುವ FSSAI ನಿಯಮಗಳು ಮತ್ತು ನಿಯಮಾವಳಿಗಳ ಪ್ರಕಾರ ಕಡ್ಡಾಯ ಲೇಬಲಿಂಗ್ ವಿವರಗಳನ್ನು ನಮೂದಿಸಬೇಕು. ಗ್ರಾಹಕರನ್ನು ತಪ್ಪುದಾರಿಗೆಳೆಯುವ ಅಥವಾ ದಾರಿ ತಪ್ಪಿಸುವ ಯಾವುದೇ ಮಾಹಿತಿ, ಹೇಳಿಕೆ, ಲೇಬಲ್ ಅಥವಾ ಪ್ರದರ್ಶನವನ್ನು ಬಳಸಬಾರದು.
12. ಆಹಾರ ತ್ಯಾಜ್ಯ ನಿರ್ವಹಣೆ
ಆಹಾರ ತ್ಯಾಜ್ಯವನ್ನು ಸೂಕ್ತವಾದ ಮುಚ್ಚಳ ಹೊಂದಿರುವ ಕಸದ ಬುಟ್ಟಿಗಳಲ್ಲಿ ಸಂಗ್ರಹಿಸಿ, ಅನ್ವಯವಾಗುವ ನಿಯಮಗಳ ಪ್ರಕಾರ ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡಬೇಕು. ಆಹಾರ ತ್ಯಾಜ್ಯವು ಆಹಾರ ತಯಾರಿಕಾ ಅಥವಾ ಸಂಗ್ರಹಣಾ ಪ್ರದೇಶದಲ್ಲಿ ಅಥವಾ ಅದರ ಸಮೀಪದಲ್ಲಿ ಸಂಗ್ರಹವಾಗದಂತೆ ಅಗತ್ಯ ಮುನ್ನೆಚ್ಚರಿಕೆ ವಹಿಸಬೇಕು. 
Continue Reading
