ಮದುವೆಯಾಗಿ 11 ತಿಂಗಳ ಬಳಿಕ ಒಲಿಂಪಿಕ್ಸ್ ಹೀರೋ ನೀರಜ್ ಚೋಪ್ರಾ ಆರತಕ್ಷತೆಗೆ ಪ್ರಧಾನಿ ಮೋದಿ ಭಾಗಿ

ಒಲಿಂಪಿಕ್ ಚಿನ್ನದ ಪದಕ ವಿಜೇತ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಮತ್ತು ಅವರ ಪತ್ನಿ ಹಿಮಾನಿ ಮೋರ್ ದಂಪತಿಗಳು ಮದುವೆಯಾಗಿ ಸುಮಾರು 11 ತಿಂಗಳುಗಳ ಬಳಿಕ ಭವ್ಯ ವಿವಾಹ ಆರತಕ್ಷತೆ (ರಿಸೆಪ್ಷನ್) ಆಯೋಜಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ವಿಶೇಷ ಅತಿಥಿಯಾಗಿ ಭಾಗವಹಿಸಿ ದಂಪತಿಗಳನ್ನು ಆಶೀರ್ವದಿಸಿದ್ದು, ಈ ಕ್ಷಣಗಳ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.

2025ರ ಜನವರಿ 16ರಂದು ಹಿಮಾಚಲ ಪ್ರದೇಶದ ಸೋಲನ್ ಬಳಿಯ ಖಾಸಗಿ ರೆಸಾರ್ಟ್‌ನಲ್ಲಿ ಕುಟುಂಬ ಸದಸ್ಯರು ಮತ್ತು ಆಪ್ತರ ಸಮ್ಮುಖದಲ್ಲಿ ಸರಳವಾಗಿ ಮದುವೆಯಾದ ನೀರಜ್ ಮತ್ತು ಹಿಮಾನಿ ದಂಪತಿಗಳು ಈಗ ವರ್ಷಾಂತ್ಯದಲ್ಲಿ ಭವ್ಯ ಆರತಕ್ಷತೆ ಆಯೋಜಿಸಿದ್ದರು. ಕರ್ನಾಲ್ ಮತ್ತು ನವದೆಹಲಿಯಲ್ಲಿ ನಡೆದ ಈ ಕಾರ್ಯಕ್ರಮಗಳು ಸ್ಟಾರ್-ಸ್ಟಡೆಡ್ ಆಗಿದ್ದು, ಕ್ರೀಡಾ ಲೋಕದ ಹಲವು ಪ್ರಮುಖರು ಮತ್ತು ರಾಜಕೀಯ ಗಣ್ಯರು ಭಾಗವಹಿಸಿದ್ದರು.